Autoritetet italiane në Breshia të Italisë kanë shkatërruar një rrjet prostitucioni, duke vënë në pranga 9 persona.
Drejtuesja e këtij grupi kriminal ishte një 35-vjeçare nga Shqipëria, e identifikuar me emrin Liljana Shoshari.
Po ashtu, në pranga ka rënë edhe një shqiptar tjetër, pjesë e grupit, Emiljano Osmani, 27-vjeç.
I riu kishte detyrën e kontrollit të vajzave prostituta në rrugë. Ata akuzohen për trafik e shfrytëzim prostitucioni, grabitje dhe trafik lëndësh narkotike.
Hetimet e këtij operacioni i koduar “Telepass” kanë nisur katër vite më pare, dhe kanë zbardhur aktivitetit kriminal të kësaj bande që shfrytëzonte vajza të ardhura kryesisht nga Evropa Lindore.
5 anëtarët e tjerë të bandës janë shpallur në kërkim ndërkombëtar.
