Humbja në shtëpi mbrëmjen e djeshme ndaj Skënderbeut ishte e katërta radhazi për skuadrën e Partizanit. Kampionët në fuqi tashmë kanë rrëshqitur në vendin e 7-të dhe situata është bërë alarmante.
Rezultatet e ndeshjeve të fundit kanë lëkundur ndjeshëm stolin e trajnerit italian, Sormani, të cilit i duhet që të bëjë menjëherë kthesën ndaj Kukësit për të mos bërë gati valixhet pasi një tjetër rezultat tjetër negativ mund të mos tolerohet nga drejtuesit e klubit dhe tifozët.
Adolfo Sormani ishte një nga “pengjet” më të mëdha të presidentit Demi, mënyra se si ai u largua vite më parë la shteg për një rikthim të mundshëm, por jo gjithçka ka shkuar ashtu si numri 1 i klubit të kuq shpresonte. Pas largimit të Skënder Gegës dhe pas një periudhe trazit me Franko Lerdën, rikthimi i Sormanit shihej si një bekim në shtëpinë e kuqe. Atëherë kur të gjithë prisnin një rikthim të Partizanit në garë për objektiva të rëndësishëm kryeqytetasit vijojnë rënien e lirë.
