Të shtëna me armë zjarri janë shënuar orët e para të mëngjesit në Shkodër, ku një person ka mbetur i plagosur: Vasel Koceku, 37 vjeç.
“Në lagjen “Vasil Shanto”, tek ish-kryqëzimi i degës, rreth orës 03:10, pas një konflikti për motive të dobëta, është plagosur me armë zjarri, shtetasi V.K., 27, banues në fshatin Vrakë, Malësi e Madhe, i cili ndodhet nën kujdesin e mjekëve, në Spitalin Rajonal Shkodër”, njoftoi policia.
Të njëjtat burime shtuan se është bërë identifikimi i autorit dhe po punohet për kapjen e tij.
“Nuk jepen të dhëna të tjera, për shkak të hetimeve, ndërsa vijojnë hetimet për sqarimin e rrethanave të kësaj ngjarjeje”, njofton policia.
