Futbollisti i Arsenalit, Mesut Ozil, vitet e fundit është kritikuar shumë për paraqitjet e tij të dobëta në fushën e lojës.
Reputacioni i tij bie dita ditës dhe për pasojë sponsorat kanë filluar ta braktisin mesfushorin gjerman. Së fundmi “Bild” zbulon se kompania prestigjioze e këpucëve “Adidas”do të ndërpresë bashkëpunimin me 31-vjeçarin pas 7 viteve.
Kontrata e firmosur në vitin 2013 ishte 22 milionë euro që bindën Ozil të largohej nga gjigandi “Nike”.
Tashmë siç duket emri Ozil nuk shet shumë në botën e futbollit dhe kjo jo vetëm për performancat e tij në fushat e lojës. Ai gjithashtu vuan një rënie të popullaritetit pas disa incidenteve politike këto vitet e fundit. Tërheqja nga Kombëtarja e Gjermanisë, akuzat ndaj Federatës, lidhjet me presidentin turk, Ergodan.
