Fauci: Vaksina e Covid-19 mund të mos sigurojë imunitet për shumë gjatë

Dr. Anthony Fauci, drejtori i Institutit Kombëtar të Alergjisë dhe Sëmundjeve Infektive në SHBA, tha se SHBA do të ketë 100 milionë doza të vaksinës së Covid-19 në fund të vitit.

Gjatë intervistës me Howard Bauchner, Fauci shtoi se “vaksina e parë kandidate”, që do të prodhohet nga firma Moderna, duhet të shkojë në fazën e fundit të testimit te vullnetarët, e njohur në industri si FAZA III, në mes të verës.

Kjo fazë do të përfshijë rreth 30.000 njerëz dhe do të testohet në grupmoshat 18 deri 55 vjeç, si dhe te të moshuarit dhe njerëzit që kanë probleme shëndetësore.

LEXO EDHE  Mburrej në Instagram me pasurinë e tij, FBI i bën gjëmën nigerianit

Por, ai shtoi gjithashtu se ekzistojnë shanset që vaksina e koronavirusit të mos sigurojë imunitet për shumë gjatë.“Nëse Covid-19 vepron si koronavirusët e tjerë, ka mundësi që vaksina të mos sigurojë imunitet për shumë gjatë. Kur shikon historinë e koronavirusëve, atyre të zakonshmëve që shkaktojnë të ftohurën e zakonshme, reportimet në litraturë tregojnë se kohëzgjatja e imunitetit varion nga 3 në 6 muaj deri në më pak se 1 vit”, -është shprehur Fauci.

I pyetur nëse shkencëtarët do të mund të gjejnë një vaksinë efektive, ai tha se është optimist, por se nuk mund të ketë kurrë garanci për këtë gjë.