Achraf Hakimi aktualisht luan me skuadrën e Borussia Dortmund i huazuar nga Real Madrid. Mbrojtësi maroken ka shkëlqyer me verdhezinjtë por kontrata e huazimit me klubin gjerman skadon këtë verë.
Duke parë sezonin mbresëlënës me Dortmund-in, Real Madrid dëshiron ta rikthejë mbrojtësin në skuadër. Nga ana tjetër klubi gjerman dëshiron ta blejë përfundimisht lojtarin duke vazhduar bashkëpunimin e suksesshëm mes palëve.
Avantazhi i Dortmundi-it në këtë pikë është se “Los Blancos” po hezitojnë t’i japin lojtarit një vend titullari në skuadër duke parë konkurrencën e fortë me Odriozola-n dhe Marcelon.
Kështu e ardhmja e 21-vjeçari varet nga vetë ai i cili në fund të sezonit do të duhet të vendosë nëse do të rikthehet te Real Madrid për të luftuar për vendin e tij në formacion apo të qëndrojë në Gjermani me Dortmundin ku është protagonist.
