Ish-deputetja Mesila Doda tha mbrëmjen e sotme në emisionin “Open” se OSBE/ODIHR ka kërkuar depolitizimin e administratës publike, ndaj dhe sot opozika shprehet se nuk mund të pranojë propozimin se komisionet zgjedhore do të ndërtohen pikërisht me këto të politizuar dhe na thuhet se po depolitizohen.
Doda tha se Edi Rama po bën lojë me reformën zgjedhore, pasi ai e di që s´mund të fitojë zgjedhje pa vjedhur votat.
“Në komisionet zgjedhore kemi pasur punonjës shtetërorë, të Hipotekës, që kanë vjedhur votat nga një parti, PDIU, dhe ia jepnin PS-së. Çfarë e gjeti punonjësin e Hipotekës? Asnjë gjë, përkundrazi vazhdoi punën i qetë”, tha Doda.
Sipas saj, opozita kërkoi garancitë minimale që votat e saj t´i numëronin njerëzit e propozuar nga forcat politike, ndërsa sot i kanë hequr edhe këto garanci.
