Yuri Kim: Marrëveshja për zgjedhoren u arrit, e ardhmja në dorën e Bashës

Ambasadorja e SHBA në Tiranë, Yuri Kim, tha se nga negociatat e zhvilluara në Këshillin Politik, çdo palë dha dhe fitoi.

“Partia në pushtet, si më e favorizuar, dha më shumë dhe unë e falenderoj atë. Ne kemi tashmë një marrëveshje, nga e cila fiton Shqipëria dhe shqiptarët.

Kjo marrëveshje përmban masat e vendosura nga ODIHR, përmban disa hapa domethënëse që nuk janë rekomanduar nga ODIHR, por që garantojnë një proces të lirë dhe të ndershëm”, tha Yuri Kim.

Ajo iu drejtua me një apel kreut demokrat Lulzim Basha, për të cilin tha se është miku i saj, për të pranuar marrëveshjen.

“Loja është në fushën e tij, e ardhmja është në duart e tij”, tha Ambasadorja e SHBA, duke iu drejtuar kreut demokrat Lulzim Basha, për të firmosur marrëveshjen.

‘Sot kemi bërë një progres të jashtëzakonshëm.

LEXO EDHE  I shpëtoi policisë gjatë operacionit ku u sekuestruan 3,5 ton drogë, arrestohet 36-vjeçari në kërkim

Çdo palë, partije i kërkohet që të japë që Shqipëria të fitojë. Çdo palë dha, çdo palë fitoi.

Populli shqiptar mund të fitojë akoma më shumë. Çdo palë dha, por duhet ti jap merita të veçanta partisë në pushtet.

Ne e bëmë të qartë, se partia në pushtet, kanë privilegjet e tyre dhe duhej të jepnin më shumë dhe ata dhanë.

Ne kemi atë që mund të jetë një marrëveshje shumë e mirë”, tha Yuri Kim.

Reagimi i diplomates amerikane ka ardhur rreth 90 minuta, pasi ishte njoftuar një mbledhje tjetër e Këshillit Politik, por në të cilën nuk shkuan Oerd Bylykbashi dhe Petrit Vasili, që vijojnë një takim në selinë e PD me kreun demokrat Lulzim Basha, kryetaren e LSI, Monika Kryemadhi dhe kreun e PDIU. Shpëtim Idrizi.