Pamje shqetësuese këto që shfaqen në kryeqytet. Plehrat e shpërndara në rrugë që krijojnë rrezik për shëndetin e qytetarëve.
Dhe e gjitha kjo në një moment kur nga autoritetet shëndetësore, kryeministri Edi Rama, por dhe kryetari i bashkisë së Tiranës, bëjnë thirrje për ruajtje të higjienës.
Por pavarësisht apelit të Veliajt, po ndodh krejt e kundërta. Pastrimi i qytetit, një kompetencë kjo e Bashkisë së Tiranës, siç duket në pamje, po kthehet në një ndotës.
Problemi i ndotjes nga mbetjet në Tiranë nuk është i ri. Në media e rrjetet sociale janë postuar herë pas herë pamje të koshave të plehrave të mbushura plot e mbetje të shpërndara në rrugë. Dhe pavarësisht se problematika është bërë publike, nuk ka pasur një reflektim për të përmirësuar pastrimin dhe higjienën nga Bashkia e Tiranës e drejtuar nga Erion Veliaj.
