Pritet që me datë 17 qershor, në mbledhjen e komitetit ekzekutiv të UEFA-s, të përcaktohet formula dhe agjenda finale e këtij edicioni të Ligës së Kampioneve.
Pak ditë më parë, “New York Times”, shkruante se Stambolli do të refuzoj zhvillimin e finales me 29 gusht, fundja kjo do të ishte një ndeshje që do të luhej pa tifozë.
Ky lajm nuk është as mohuar dhe as pohuar duke ngritur dyshimet se ndërmjet UEFA dhe organizatorëve të finales në Turqi po bisedohet në lidhje me këtë çështje.
Nëse Stambolli do të heqë dorë nga zhvillimi i finales të Championsit, atëherë, Lisbona mund të jetë qyteti që do të mirëpres ndeshjet e fundit në Champions, me një format të ngjashëm me atë të Botërorit për Klube, mbetet për tu vendosur nëse ky tur në Portugali do të filloj që nga faza çerekfinale apo nga gjysmëfinalet.
Ky lajm është konfirmuar edhe nga presidenti i Portugalisë, Marcelo Rebelo de Sousa, i cili ka thënë: “Kam ndjenjën pozitive që mund të kemi lajme të mira për sa i përket futbollit ndërkombëtar në Portugali gjatë muajit Gusht.” – ka thënë de Sousa duke iu referuar kompeticionit të Ligës së Kampioneve.
