Avokati i Popullit probleme me internetin/ Hysi: 10 mijë lekë më shumë kushton një linjë më e mirë (BATUTAT)

Komisioni i Ligjeve ka dëgjuar sot në një mbledhje online raportin e Avokatit të Popullit, ku deputetët kanë mundur të bëjnë dhe pyetje.

Por ky diskutim nuk ka kaluar pa incident pasi problemi i internetit nga ana e Avokatit të Popullit ka ndërprerë disa herë replikat.

Në një moment Erinda Ballanca teksa fliste nuk dëgjohej më, Ulsi Manja dhe Vasilika Hysi i kanë sugjeruar avokates që të rregullonte linjën e internetit dhe të shpenzonte pak më shumë për këtë pjesë.

Replikat

Ballanca: Nuk e di më shkëputet linja, dikush në fik mikrofonin automatikisht.

Hysi: Forco internetin se nuk kushton shumë, një linjë më e mirë kushton 10 mijë lekë shtesë.

ManjaEdhe këtë do e bëjmë pikë në rezolutë, do ta bëjmë pjesë të buxhetit forcimin e internetin për Avokatin e Popullit.

Ballanca: E kemi nga AKSHI internetin, nuk e paguajmë ne.

Manja: A je në rregull tani, ka linjë?

Ballanca: Po më thonë nga shërbimnet tuaja që mund të futem nga telefoni, mund ta bëj tani?

Manja: Po patjetër.

Fino: Siç kanë rënë kërkesat për Avokatin e Popullit dhe besimin për insitucionin, ashtu ka rënë dhe besueshmëria për internetin prandaj nuk ka linjë të mirë.

Manja: Mos e konsumo që tani diskutimin se jemi live.

LEXO EDHE  Masat anti-Covid, gjoba dhe pezullime aktiviteti për 400 biznese