Ish-truproja e Kanye West, Steve Stanulis, ka zbuluar pak ditë më parë disa nga rregullat më qesharake të tij gjatë kohës kur punonte për të.
Ai u shpreh se nuk do donte të punonte më kurrë me reperin dhe e quajti punëdhënës të vështirë dhe madje shumë koprac. Ish-truproja e tij theksoi se ai kishte luhatje të theksuara humori.
Menjëherë pas deklaratës së tij, ka ardhur edhe reagimi i Kim Karadashian dhe Kanye West, ose më saktë, kërcënimi i tyre.
“The Daily Mail” bën me dije se Kim dhe Kanye e kanë kërcënuar ish-truprojën e tyre dhe ata do të përballen në gjyq.
Sipas tyre, deklarata e tij është e rremë dhe të gjitha gjërat që ai ka thënë janë shpifje. Madje ata shtojnë se Stanulis ka shkelur një marrëveshje konfidencialiteti.
Kim dhe Kanye e kërcënojnë atë se nëse Steve Stanulis vazhdon dhe bën sërish këtë shkelje, ai do duhet të paguajë 10 milion dollarë. Ndërsa avokati i ish-truprojës së tyre, kërcënimet e tyre i quan të paarsyeshme.
