Drejtori sportiv i Lacios, Igli Tare, ka shuar zërat që e shihnin Ciro Immobilen jashtë skuadrës së kryeqytetasve për sezonin e ardhshëm.
Në mediat italiane, përflitet se 30 vjeçari mund t’i bashkohet skuadrës së Napolit mirëpo Tare ka deklaruar se Immobile nuk do të largohet duke e konsideruar lojtarin si arsyen e suksesit të bardhekaltërve.
“Nuk kemi pasur asnjë kontakt me Napolin për Immobilen, pasi ai është vetë Lacio”, ka thënë Tare në një intervistë për Sky Sport Italia.
“Mendoj, shpresoj dhe dëshiroj që ai të qëndrojë me ne edhe për shumë vite”, ka shtuar ai më tej.
Immobile ka shënuar plot 116 gola në karrierën e tij me Lacion total, derisa në këtë sezon ka arritur që në 27 paraqitje të realizojë 26 gola.
