Opozita e bashkuar kërkon mbledhjen e Këshillit Politik ditën e martë, ora 17:00, me qëllim vijimin e punës për reformën zgjedhore.
Sikundër raportohet, opozita e bashkuar kërkon vijimin e diskutimeve lidhur me çështjet e mbetura pezull, duke respektuar agjendën e Këshillit Politik.
“Në vijim të diskutimeve të deritanishme dhe faktit që mbledhja e datës 31 maj 2020 nuk u zhvillua, me synim gjetjen e konsensusit për çështjet e përcaktuara në axhenden e Këshillit Politik, propozojmë mbledhjen e Këshillit nesër, datë 2 qershor 2020, ne ora 17.00”, thuhet në kërkesën e përfaqësuesve të opozitës Oerd Bylykbashi dhe Petrit Vasili.
Kërkesa e opozitës së bashkuar vjen pak orë pas takimit që kreu demokrat Lulzim Basha pati me 3 ambasadorë të akredituar në Tiranë, Yuri Kim, Luigi Soreca dhe Dungan Norman, përkatësisht të SHBA, BE dhe Britanisë së Madhe.
Më 31 maj ishte afati i fundit që palët politike kishin përcaktuar për arritjen e konsensusit lidhur me reformën zgjedhore, por disa çështje kanë mbetur pezull, veçanërisht ato që kanë të bëjnë me përdorimin e teknologjisë në zgjedhje, qeverinë ttranzitore dhe trajtimin e procesit të ankesave.
