Kryeministri Edi Rama ka reaguar lidhur me vendosjen e një takse nga Qeveria e Kosovës për makinat që hyjnë nga Shqipëria, duke e quajtur atë bllokim të çuditshëm.
Gjithashtu Rama ka ironizuar edhe ata që kërkonin hapjen e menjëhershme të kufinjve, duke u shprehur se Shqipëria u bë vendi i parë që po hap kufijtë, ndërsa shumë shtete vijojnë të qëndrojnë të mbyllur.
“Na hap kufijtë o Ramazon se gjithë bota i ka hap!”, e kur thosha jo s’i ka hap gjithë Bota, ne do jemi nga të parët fare, gënjeja unë! Po tani që ne i hapëm e shikoni që të tjerët jo? E pra, unë kam njëmijë të meta, po nuk gënjej dhe mirë a keq them atë që bëj dhe bëj atë që them!
Dhe mos keqkuptohemi, s’e kam me bllokimin e çuditshëm të makinave të Shqipërisë në kufirin e Kosovës për dizinfektim, po për plot kufij fqinj ose jo, që janë ende mbyllur!
Prandaj durim, besim dhe kujdes nga nxitimi në ngrënien e rrenave se helmojnë gjakun e çorodisin mendjen!”, shkruan Rama.
