Paskal Milo, aleat i Kryeministrit Edi Rama, shprehet i pakënaqur me sistemin zgjedhor, duke theksuar se shqiptarët nuk kanë mundësi të zgjedhin ato që duan.
Në një intervistë për Oranews, Milo theksoi se ndryshimet kushtetuese të vitit 2008 ishin një masakër zgjedhore.
Në vijim ai tha se përmes listave të mbyllura vullneti i kryetarëve të partive.
“Me ato ndryshimet që u bënë dhe me atë kod që u miratua në prill të 2008-tës, është bër një masakër zgjedhore në kuptimin e ligjit. Është përshtatur ligji në atë kohë intereave për dy partitë e mëdha PD-PS, pas një marrëveshje të fshehtë dhe që kanë sjellë gjithë këto rrjedhoja negative. Shqiptarët e dinë se çfarë përfaqëson parlamenti, çfarë vlere ka aty brenda.
Mjafton të shikon seancat parlamentare të ditës së enjte, dhe mund të bindesh fare mirë se çfarë produkti ka sjellë ky ligj zgjedhor që kemi. Pra, shqiptarët nuk kanë mundësi të zgjedhin drejtpërdrejt ata që dëshirojnë por u imponohet përmes listave të mbyllura vullnetit të kryetarit të partisë, ku në fakt emëron deputetë”, tha Milo.
DENONCO