Sulmuesi i Dijon, Yassine Benzia, është përfshirë në një aksident dhe duket se rrezikon përdorimin e dorës.
Episodi i rëndë duket se është shkaktuar nga një aksident që lojtari ka pasur me motorin e tij me katër rrota. Algjeriani është shtruar menjëherë në spital dhe i është nënshtruar një operacioni për të cilin nuk ka informacione të sigurta.
Konfirmimin për gjendjen serioze të lojtarit e ka dhënë presidenti i klubit të Ligue 1, Olivier Delcourt.
Ajo që shqetëson më shumë mjekët është gjendja e dorës së majtë e 25-vjeçarit, i cili mund ta humbë përdorimin e saj.
