Debati i përjetshëm për të zgjedhur futbollistin më të mirë mes Lionel Messi dhe Cristiano Ronaldo nuk duhet të ekzistojë.
Kështu është shprehur ish-sulmuesi anglez, Gary Lineker, i cili beson se argjentinasi është lojtari më i mirë i të gjitha kohërave dhe se portugezi nuk përbën aspak një kërcënim për këtë fakt.
Ronaldo dhe Messi kanë qenë dy lojtarët më të shquar të brezit të tyre, duke fituar plot 11 “Topa të Artë” mes tyre, gjatë 12 viteve të fundit. Messi po i afrohet ditëlindjes së 33-të, teksa ka shkëlqyer vetëm te Barcelona; ndërsa CR7 ka 35 vite mbi supe. Ky i fundit ka shkëlqyer te Manchester United dhe Real Madrid ndërsa vazhdon të ketë sukses te Juventusi.
“Njerëzit gjithmonë krahasojnë gjërat, në të gjitha nivelet e jetës. Edhe Messi kundrejt Ronaldos është një çështje, që kundrohet e tillë.
“Unë jam një tifoz i madh i Ronaldos, gjithashtu, por nëse po flisni për lojtarin më të mirë ndonjëherë, nuk duhet as të debatohet. Ai është qartësisht Messi. Ky është vetëm mendimi im, por mendoj se përfaqëson shumë specialistë të tjerë”.
“Messi i ka mbyllur gojën kritikëve herë pas here. “Ai, padyshim ka luajtur në disa ekipe të shkëlqyera të Barçës, gjatë kohës atje, por, kushdo që ka qenë përkrah tij, numrat kanë thënë të njëjtën gjë. Ai i ka provuar përsëri e përsëri me statistika se është më i miri.”
“Nëse do të ishte larguar nga Barcelona për ndonjë arsye, Messi do të akuzohej si i pabesë prandaj mendoj se nuk është larguar. Fundja, pse do të dëshironte të lëvizte, gjithsesi? Ai ka luajtur me një nga klubet më të mëdhenj të futbollit botëror. Nëse lini Barcelonën, ju kurrë nuk do të shkoni më lart”. – ka thënë ish-lojtari i Barcelonës për “BBC Sport”.
