Janë mbyllur ndeshjet e orës 15:30 të vlefshme për javën e 29-të të Bundesligës.
Kështu Werder Bremen ka mundur brenda në shtëpi Schalke 04, me rezultatin 0-1. Goli i fitores i cili fare mirë mund të konsiderohet si goli i javës, u shënua nga fantazisti Bittencourt në minutën e 32-të të pjesës së parë. Me këtë fitore, skuadra e Rashicës vazhdon luftën për mbijetesë duke u ngjitur në kuotën e 25-pikëve, ndërsa thellohet kriza për Schalke 04.
Ndërkohë sfida tjetër mes Wolfsburgut dhe Eintracht Frankfurt-it u mbyll me rezultatin 1-2. Miqtë kaluan në avantazh të parët me anë të një penalltie të shndërruar në gol nga Andre Silva. Reagimi i “Ujqërve” erdhi në pjesën e dytë ku shifrat i barazoi mbrojtësi i krahut Mbabu. Gjithsesi vendasit u dorëzuan në fund të ndeshjes, pasi Kamada dërgoi topin në rrjetë në minutën e 85-të.
Në sfidat e tjera, Hoffenheim fitoi në transfertë 0-1 kundër Mainz-it dhe Hertha Berlin mundi pastër 2-0 në shtëpi Augsburgun.
