Prej më shumë se dy javësh, FSHF-ja në akord me të gjithë klubet kishte vendosur datën 3 qershor e Kategorisë Superiore dhe sot ka ardhur miratimi nga Ministrja e Shëndetësisë, Ogerta Manastirliu.
Ashtu siç pritej ndeshjet do të luhen pa tifozë dhe do të zbatohet protokolli i sigurisë, që është hartuar nga FSHF-ja.
“Nga 1 qershori lejohet lëvizja në të gjithë territorin pa asnjë kufizim. Do të hapen çerdhet dhe kopshtet dhe kufijtë tokësore. Mbetet në fuqi karantina 14 ditë. Nga data 1 qershor plazhet do të jenë të hapura me autorizime nga një autoritet i përkohshëm që është ngritur në këtë periudhë. Të gjithë të zbatojnë protokollet që do të bëhen publike
Do lejohen kampionatet sportive pa praninë e publikut. Do të hapen parqet. Po punohet për një plan për transportin publik por deri në miratimin e tij do qëndrojnë të mbyllura. Do qëndrojnë të mbyllura aktivitetet kulturore, kinematë, teatrot, palestrat dhe ‘club’-et“, deklaron Manastirliu.
