Nënkryetari i PD-së, Edi Paloka kërkon shkarkimin e Ardi Veliut nga posti i Drejtorit të Policisë së Shtetit dhe hetimin e tij. Deklarata vjen pas raportimit të Veliu këtë të Premte në komisionin parlamentar e sigurisë.
Kryepolici u paraqiti një video, në të cilën dukej e ëma e djalit që u dhunua te liqeni Artificial në Tiranë disa ditë më parë, me armë. Veliu i përdori pamjet për të poshtëruar familjen e djalit duke u shprehur “shihni nga çfarë familje vjen” dhe justifikuar dhunën e policëve ndaj të miturit. Kryepolici në fakt gënjeu në mënyrë flagrante, pasi pamjet i përkasin një filmi shqiptar, ku e ëma e djalit luan si aktore. Kjo e fundit e përgënjeshtroi kryepolicin duke zbuluar të vërteten.
Video ka shkaktuar mjaft reagime në rrjetet sociale, me qytetarë e persona publikë që dënojnë sjelljen e Veliut.
Reagimi
Paloak shprehet se “Ardi Veliu duhet shkarkuar menjehere dhe duhet te dale perpara drejtësisë”.
“Gjate mbledhjes se Komisionit te Sigurise , Drejtori i Pergjithshem i Policise Ardi Veliu, duke dashur te justifikoje dhunen e policise ndaj nje 15 vjecari, ka nxjerre nje video te nenes se djalit ku ajo duket me nje pistolete ne dore. “Ja nga cfare familje vjen djali”-ka thene Veliu duke dashur te justifikoje me kete “argument” dhunen. Rezulton se nena e djalit 15 vjecar eshte aktore dhe pamjet qe ka paraqitur Ardi Veliu jane pjese te nje filmi artistik…! Justifikimi i dhunes do te ishte i denueshem edhe sikur pamjet te ishin reale, po ja qe Drejtori i Pergjithshem i Policise jo vetem justifikon dhunen e policise ndaj nje te mituri po per kete edhe mashtron . Keto metoda te Sigurimit te Shtetit , Veliu nuk i ka per here te pare, kujtoni deshmitarin e rreme Fredi Alizoti…! Prandaj kemi kete polici se drejtohet nga qenie si ky e si Lleshi i Rames”, shprehet nënkryetari i PD në një postim në FB.
Në një reagim tjetër në rrjetin social për të njëjtën ccështje, shkruan: “E kuptoni pse Rama kerkon te miratoje ligj antikushtetues qe t’ja lere pergjimet ketyre monstrave pa vendim gjykate? Ky manipulon, mashtron e shantazhon me pjese filmash artistike, imagjinoni te kete mundesi te pergjoje ke te doje… Lere pastaj cfare ben me zgjedhjet e voten e shqiptareve ky”.
