Aktorja e njohur Pamela Anderson thotë se dëshiron të martohet sërish, të pakten t’i japë edhe një mundësi të fundit jetës së saj bashkëshortore.
“Edhe një herë tjetër, të lutem o Zot. Edhe një herë të vetme”- kanë qenë këto fjalët e Pamela Anderson në një intervistë të dhënë për “New York Times”.
Në muajin janar ajo pati një martesë të shkurtër me producentin Jon Peters të cilin e ka patur mik prej vitesh. Dyshja u ritakuan në Indi dhe patën një shkëndijë të shkurtër që zgjati vetëm 12 ditë.
Pavarësisht martesave të dështuara, modelja dhe aktorja e famshme ende beson në dashuri.
