MotoGP bëri sot të ditur se Çmimet e Mëdha të Britanisë së Madhe dhe Australisë që nuk do të jenë në kalendarin e këtij viti.
Në këtë mënyrë numri i garave të anuluara shkon në gjashtë pas atyre të Katarit, Gjermanisë, Holandës dhe Finlandës ndërsa janë shtyrë garat e Tajlandës, SHBA-s, Argjentinës, Spanjës, Francës, Italisë dhe Katalunjës.
“FIM, IRTA dhe Dorna Sports njoftojnë me keqardhje anulimin e Çmimit të Madh të Britanisë dhe Çmimit të Madh të Australisë të sezonit 2020. Kriza e coronavirusit dhe ndryshimet në kalendar çuan në marrjen e këtij vendimi”, lexohet në komunikatën zyrtare të organizatorëve të Botërorit të MotoGP.
