Të tjera detaje dalin në dritë nga mbytja e të riut maroken në lumin e Bunës. Sipas informacioneve paraprake bëhet me dije se 35-vjeçari është mbytur aksidentalisht.
Identiteti i të riut ende nuk bëhet me dije, por policia e ka identifikuar me inicialet R.M. Burime për mediat raportojnë se marokeni ishte i pajisur me dokumente franceze.
Njoftimi i policisë:
Me datë 29.05.2020, rreth orës 15.40 është marrë njoftim se në fshatin Darragjat, Shkodër, dyshohet se aksidentalisht është mbytur në Lumin Buna, shtetasi R. M. 35 vjeç, nga Maroku.
Në vendngjarje janë shërbimet e Policisë, të cilat po bëjnë kërkime së bashku me banorët e zonës për gjetjen dhe nxjerrjen e trupit nga lumi Buna.
