Kryeministri Edi Rama gjatë interpelancës në Kuvend lidhur me shembjen e Teatrit Kombëtar, e cila u kvrkua nga deputetët Rudina Hajdari dhe Ralf Gjoni, ka zgjedhur të citojë thëniet e aktorëve që u rreshtuan pro ngritjes së Teatrit të ri Kombëtar.
Rama i është përgjigjur Rudina Hajdarit dhe personave të tjerë që sipas tij u lënduan nga shembja e kësaj godine, që e quajti një karakatinë italiane.
“Kur e nisën protestën për Teatrin, as ju as ata që janë kthyer në bijtë e lënduar të Shekspirit dhe Molierit jo vetëm nuk ishit aty por ju ishte thënë të mos dukeshit aty, aty ishin Robert Ndrenika dhe Arben Derhemi, jo dy Budinat, po i përgjigjem Hajdarit dhe gjithë të lënduarve për çështjen e Teatrit Kombëtar, duke përcjellë besnikërisht fjalët e protestuesve të vërtetë jo aktorëve politikë që luajnë Teatrin, te unaza e re te e vjetra apo aty ku bashkohen dy unazat
Robert Ndrenika: Mos më kryqëzoni kam qenë e jam për Teatër të ri e bashkëkohor që ka detyrë për ta bëjë shteti paratë ti marrë ku të dojë, ndoshta edhe aty ku i merrte Tito.
Arben Derhemi: Të mos preket trualli dhe të shpallet konkurs ekspertësh për Teatrin, skena na njeh kush jemi dhe sa vlejnë, ata që duan të bëjnë shfaqje jashtë tempullit janë jashtë historisë.
Bujar Asqeriu: Jam për unitetin dhe paqen sociale, nuk e mbështes protestën, unë në atë godinë nuk futem më se është sëmundje e kam thënë, nga ajo godinë që vdiqën shokët e mi më duket se jam sëmurur dhe unë, boll se u teprua
Reshat Arbana: Nëse një pjesë e territorit qenka e bashkisë le t’ja lërë teatrit, ta mendojnë specialistët, lërjani territorin teatrit
Paja: harrojmë gjërat kryesore dhe merremi me llac dhe tulla, TK e ka emrin TK dhe nuk duhet të vijojnë ata që banojnë në tiranë, por ata që e meritojnë
Enver Petrovci: Për mua është budallallëk mos me u ndërtu teatër i ri, jam kundër që toka ti falet dikujt, ai që ekziston nuk ka kurrfarë vlere”, u shpreh Rama.
Ndërkohë në replikë me të, Rudina Hajdari tha se uronte që një ditë Rama të jetë në bankën e të akuzuarve dhe të shtrohen këto gjëra që po ndodhin sot.
“Sapo erdhët në qeveri në 2017, VKM 325 për shpalljen e qendrës historike, qeveria juaj e përgjysmoi këtë qendër historike. Pse e bëtë? Pse e donit atë truall?”
Në vitin 2000 Rama ka dashur që të marrë në pronësi të Bashkisë së Tiranës edhe Teatrin e Kukullave, por në atë kohë është ndaluar nga Gjykata Kushtetuese, se ka qenë në kundërshtim të Gjykatës Kushtetuese.
Nëse do e shtroni pyetjen nëse këtij vendi i duhet teatër, por nuk është pyetje që bëhet sot për ju. I përçatë artistët se si i përdorët, kur i kanë thënë ata, para 21 vitesh, apo i kanë thënë sot. Ndaj zoti kryeministër çështja është si duhet ti ruajmë ne këto vlera, se këtu ndahet bota civile nga ajo barbare. Se e bëtë në 4 të mëngjesit atë shkatërrim.
Unë nuk dua të bëj prokuroren, por uroj që një ditë të jesh i ulur te banka e të akuzuarit dhe të shtrohen këto gjëra, ka disa argumente juridikë dhe vendime të KM të asaj kohe që i mbani mend, dhe une ua rikujtoj. Në vitin 2000 për shpalljen ansambël monument kulture, dhe TK përfshihet në këtë zonë. Ishit kryetar bashkie në atë kohë, u munduat ta merrnit truall, por në atë vendim thuhej që këto monumente duhet të ruhen”, tha Hajdari.
