Tirana duket se në fundin e epidemisë së koronavirusit po kthehet në një vatër të nxehtë përsa i takon numrit të të prekurve me Covid-19, referuar shifrave zyrtare.
Sot në kryeqytet u regjistruar 26 raste të reja, 12 prej të cilëve personel mjekësor. Një ditë më parë u raportuar 21 raste dhe dy ditë më parë 24 raste. Pra në 72 orët e fundit janë regjistruar në kryeqytet 71 raste me koronavirus, shifër kjo edhe më e lartë se ajo që konsiderohej si piku i Covid-19, jo vetëm në Shqipëri por në mbarë Botën.
“Nga hetimi i thelluar epidemiologjik, janë testuar 73 personel shëndetësor, nga të cilët 12 kanë rezultuar pozitivë, në QSUT, të gjithë pa simptoma. Në total janë 20 të prekur në QSUT, personel shëndetësor dhe pacientë, kontakte të rastit të identifikuar tre ditë më parë.
Ndërkohë vijon hetimi i thelluar epidemiologjik edhe për disa raste të reja në Tiranë,” lajmëroi ISHP.
Shpërndarja gjeografike e rasteve aktive është si vijon:
Tiranë- 122
Durrës- 51
Krujë- 17
Shkodër- 12
Kamëz- 9
Berat- 6
Fier- 2
Korçë- 1
