Në kuadër të operacionit policor të koduar “BOOKING”, blutë e Durrësit kanë arrestuar tre persona pasi akuzohen për mashtrim.
Pas hekurave kanë përfunduar shtetasit B. G., 43 vjeçe, S. G., 24 vjeçe dhe M. B., 31 vjeç, banues në Durrës.
“Pas një hetimi disamujor u siguruan prova bindëse për veprimtarinë kriminale të këtyre shtetasve, për të cilët Prokuroria urdhëroi ndalimin e tyre.
Nga hetimet e kryera dyshohet se këta shtetas, në bashkëpunim me njëri-tjetrin, kanë përfituar shumën 84.000 euro, nëpërmjet kartave të klonuara, duke mashtruar shtetas të huaj që kryenin rezervime në hotele për turizëm.” njofton policia
Materialet procedurale në ngarkim të këtyre shtetasve, do t’i kalojnë Prokurorisë pranë Gjykatës së Shkallës së Parë Durrës, për veprime të mëtejshme procedurale, për veprën penale “Mashtrimi kompjuterik”.
