Edi Reja i sugjeron Udinezes të nënshkruajë me këtë lojtar shqiptar

Trajneri kombëtares shqiptare, Edi Reja, në Serinë A ai njihet si një tifoz i Udinezes. 74-vjeçari këtë fakt e ka zbuluar në një intervistë për “Tuttoudinese.it”, ndërsa ka folur edhe për shumë tema të tjera.

Teknikut veteran i mungon futbolli dhe dëshiron që gjithçka të kthehet në normalitet sa më shpejt. Ndërkohë i pyetur nëse kishte ndonjë lojtar shqiptar që mund të kishte sukses te Udineze, Reja ka përmedur emrin e Rey Manaj i cili aktualisht aktivizohet për skuadrën e dytë të Barcelonës.

Situata e aktuale e futbollit-  “Të luash në një stadium të zbrazët është diçka me të vërtetë anormale. Gjithsesi në këtë moment nuk ka alternativa. Ndjesitë që jep stadiumi nuk mund të përjetohen në TV. Kualifikimi me Shqipërinë do të ishte një ëndërr. Shpresoj të jem në gjendje të kthehem në punë sa më shpejt të jetë e mundur. Shpresat janë se situatat mund të zhbllokohet në fillimin e qershorit” theksoi Reja.

Manaj te Udineze- Pierpaolo Marinos, shokut tim të dashur, unë do t’i rekomandoj marrjen e Rei Manajt. Një sulmues i datëlindjes ’97. Kur ai ishte tek Interi nuk ishte ende gati. Më pas zbarkoi te Albacete dhe përfundoi procesin e tij të maturimit ku me gola dhe paraqitjet e shkëlqyera, ai e bindi Barcelonën. Ai është një lojtar që në një ekip si Udinese mund të bënte vërtet mirë. Ka shumë lojtarë të tjerë të mirë, nëse Marino më pyet për këshilla unë do të doja t’i sugjeroja disa nga të rinjtë tanë të mirë”, u shpreh Reja.

LEXO EDHE  Leo Messi tregon bujarinë e tij, dhuron shumën e majme në luftën ndaj Covid-19