Kreu demokrat Lulzim Basha, përmes një postimi në rrjetet sociale, thekson se Ramavirusi e ka çuar drejt katastrofës situatën e fermerëve.
Referuar takimeve të zhvilluara në Rrogozhinë, Basha thekson se ata janë goditur nga pandemia, por nuk kanë marrë asnjë ndihmë ekonomike ndërsa konsumi ka rënë në zero.
“Sot bisedova me fermerët në tregun e Rrogozhinës.
Ata rrinë me orë të tëra për 10, 15, 20 mijë lekë te vjetra xhiro në javë dhe jo në ditë. Askush nuk ka parë asnjë ndihmë me sy, as ndihmë financiare, as ndihmë ushqimore. Propaganda me regji qëndrore tregon një pamje të gënjeshtërt, pa lidhje me realitetin e shumicës së shqiptarëve.
Propaganda nuk e fsheh dot dështimin e Edi Ramës, përgjegjësinë dhe sjelljen kriminale të tij. Milionat e taksave të shqiptarëve, të cilat ua dha 4-5 oligarkëve do të mjaftonin që edhe fermeri shqiptar, njësoj si fermeri i Kosovës, si fermeri i Maqedonisë së Veriut të kishte mundësi të siguronte të ardhura për të mbajtur familjen e tij në këto kohë të vështira”, shkruan Basha.
