Inter dhe Paris Saint-Germain kanë arritur një marrëveshje për të ardhmen e Mauro Icardit.
Ashtu siç raporton televizioni francez, L’Equipe TV, dy klubet kanë arritur një marrëveshje që parashikon që argjentinasi do të transferohej përfundimisht te PSG-ja për 60 milionë euro. Interi kështu ka bërë një lëshim prej 10 milionë eurosh pasi kërkesa e tyre fillestare për lojtarin ishte 70 milionë euro.
Siç vijon më tej raportimi, gjithçka do të vendoset nga vetë lojtari i cili thuhet se preferon një kalim te Juventusi, ku italianët i ofrojnë 12 milionë euro në sezon.
Në sezonin e tij të parë me PSG-në, Icardi ka paraqitje të mira ku në 31 ndeshje ka shënuar 20 gola, ndërsa pritet me interes lëvizja e radhës e argjentinasit.
