Ndërpreja e kompeticioneve nga COVID-19 ishte një plus për trajnerin e Kukësit, Orges Shehi për ta njohur më mirë skuadrën.
I ftuar në emisionin “Ora Sport”, Shehi deklaroi se tani i njeh më mirë futbollistët dhe kjo periudhë i ka shërbyer të impelemntoj filozofinë e tij tek skuadra, por e pranon se do të jetë shumë e vështirë të luash çdo 3 ditë.
“Ne jemi në një situatë të panjohur, kjo është një eksperincë e re për të gjithë ne. E dimë që do të jetë shumë e vështirë, dhe dëmtimet do të jenë prezente. Të luash çdo tre ditë edhe kur je në formën më të mirë fizike, ke probleme, jo më kur vjen pas dy muajsh pa futboll dhe në kushte jo të favorshme atmosferike. Pra nuk do të jetë çdo gjë si më parë. Ekipi më i avantazhuar? Unë personalisht mendoj që tani fillon kampionati për ne”, tha Shehi.
