Mali i Zi ka bërë të ditur se liga kryesore e futbollit në vend, “Montenegrin First League” do të rikthehet këtë fundjavë.
Qeveria në vend i ka dhënë dritën jeshile rikthimit të kampionatit, madje edhe me praninë e spektatorëve në tribuna që gjithsesi do të jenë në numër të limituar dhe në masa të veçanta sigurie. Kategoria e Parë e futbollit në Malin e Zi kryesohet nga Buducnost, ndërsa deri në fund të sezonit mbeten edhe 13 javë për tu luajtur.
Situata e coronavirusit në vendin fqinj është tepër pozitive pasi prej ditësh nuk regjistrohet asnjë i prekur me Covid-19 dhe aktualisht numri i rasteve aktive është zero.
