Borussia e Dortmundit dhe Bayern Munich do të vihen sot përballë njëra-tjetrës në ndeshjen që vendos shumë për fatet e titullit kampion.
Si “verdhezinjtë” ashtu edhe bavarezët zbresin në fushë pas ecurive vërtet shumë të mira, që për rrjedhojë i kanë sjellë edhe deri në këtë pikë. Kështu Dortmundi numëron 9 fitore në 10 sfidat e fundit.
Nga ana tjetër Bayern-i pavarësisht problemeve në startin e kampionatit drejtuesit patën kurajon për të ndryshuar, duke i besuar ekipin në fillimin e muajit nëntor trajnerit të ri Hansi Flick, e për rrjedhojë pas disfatave radhazi me Leverkusenin dhe Gladbahun kampionët në fuqi numërojnë plot 12 fitore në 13 ndeshjet e fundit në kampionat.
Për sa i përket mungesave, Flick nuk do të jetë në dispozicion lojtarë të tillë si Coutinho, Sule dhe Tolisso ndërsa në dyshim është mesfushori spanjoll Thiago Alcantara. Në krahun tjetër për vendasit do të mungojnë lojtarë të rëndësishëm si Marco Reus dhe Nico Schultz.
Një sfidë kjo shumë e rëndësishme në luftën për titullin kampion në gjermani ndërsa skuadrat ndahen nga katër pikë. Nga rezultati i kësaj sfide ajo që rrezikon më shumë është pikërisht Dortmundi që në rast humbjeje diferenca me rivalët e tyre do të shkonte në -7 pikë, duke e bërë më pas titullin kampion të pamundur.
Gjithsesi edhe për Bayern-in humbja do të ishte me pasoja të rënda veçanërisht në aspektin psikologjik që mund të sillte një ngërç të skuadrës. Një sfidë brenda sfidës do të jetë ajo mes Erling Haaland dhe Robert Leëandoëski. Të dy po kalojnë sezonin e karrierës së tyre me polakun që kryeson rënditjen e kryegolashënuesve në Bundesliga. Nga ana tjetër norvegjezi këtë sezon është konfirmuar si një “bomber” i padiskutueshëm, i cili që nga momenti kur u bashkua me verdhezinjtë ka treguar të gjithë potencialin e tij.
Ndeshja zhvillohet sot në orën 18:30.
