Ish-futbollisti i njohur serb, Miljan Mrdakovic u gjet i vdekur në apartamentin e tij në Beograd tre ditë më parë. Sipas autoriteteve vendase 38-vjeçari ka vrarë veten me një plumb në kokë pasi vuante nga depresioni dhe ankthi.
Ndaj kësaj ngjarje të rëndë ka reaguar edhe personi që ka qenë më pranë tij, e dashura e tij, Ivana Staniç. Duke folur për mediat serbe, ajo ka deklaruar se mes çiftit nuk kishte asnjë problem por Mrdakoviç kishte probleme të tjera.
“Miljan dhe unë nuk kishim asnjë problem, çdo gjë shkonte mirë mes ne të dyve. Por ai kishte probleme të tjera. Vuante nga depresioni dhe ankthi, prandaj u detyrua të konsumonte shumë alkool. Mendoj se kjo ka qenë dhe arsyeja pse mund ta këtë bërë këtë gjë (referuar vetëvrasjes)”, përfundoi Stanic.
