Meta: Rama po punon për lobin pro-serb në Uashington, kundër Shqipërisë

Presidenti Ilir Meta deklaroi këtë të Hënë se kryeministri Edi Rama po punon për interesa të huaja kundër vendit.

Në studion e emisionit “Opinion”, Meta tha se Rama po kryen veprime për destabilim të vendit, siç ishte shembja e Teatrit Kombëtar, pasi punon për interesa të një lobi serb në Uashington, SHBA.

“Lobit të fuqizuar pro-serb në Uashington i intereson destabilizimi i Shqipërisë dhe Edi Rama po i shërben interesave të tij. Unë këtë e them me bindje”, deklaroi Meta.

LEXO EDHE  A duhet mbajtur maska edhe në rrugë? Eksperti këshillon se çfarë duhet bërë

“Lobi serb dhe ai pro rus ne Uashington i intereson përplasja civile dhe destabilizimi në Shqipëri. Kam shumë prova dhe dokumenta që do i bëj publike në kohën e duhur. SMS qe u bë publike sot do duket pa vlerë në raport me to. Do flas në të ardhmen dhe në kohen e duhur”, tha Meta.