Autoritetet policore greke kanë arrestuar shtetasin grek Dimitris Aspiotis, i njohur ndryshe si ”Dragoi i Kavos”, i cili akuzohet për përdhunimin e një shqiptareje.
Sipas raportimeve ai ka qenë i armatosur dhe ka bërë rezistencë. ”Dragoi i Kavos” u arrestua në Korfuzdhe u shpëtua nga Policia pasi kishte rënë në një grykëderdhje në thellësi 200 metra.
Më 9 maji të këtij viti në Agio Petro Lefkim të Greqisë, ai përdhunoi një shqiptare. Denoncimi për zhdukjen e shqiptares u bë nga burri i saj 32-vjeçar, i cili tha se u zgjua në mëngjes por nuk gjeti në banesë bashkëshorten. Ai tha për policinë se një nate më parë ishin takuar me Aspiotin, i cili jetonte në Lefkimi nën masën e detyrimit për paraqitje dhe ndalim dalje nga Korfuzi.
Aspioti në 2012 u dënua me 52 vjet heqje lirie për përdhunimin e 6 të rinjve britanikë në vitin 2010 dhe të një shqiptareje në 2012 dhe mori nga media britanike nofkën “dragoi i Kavos”, por u lirua në nëntor 2019 duke shfrytëzuar një ligj të kohës në Greqi.
