Transferta ndaj Manz-it ka rezultuar një ndeshje miqësore për Leipzigun, të cilët kanë triumfuar me rezultatin e thellë 0-5.
Një ndeshje që nuk u diskutua për asnjë moment nga “Demat”, të cilët zgjidhën gjithçka brenda 36 minutash. Ishte Timo Werner ai që hapi festivalin e golave në minutën e 11-të. Laimer shpërtheu nga krahu i djathtë dhe shërbeu mirë në qendër për Werner, i cili goditi menjëherë me të djathtën dhe gjeti cepin e largët të portës.
Dyfishimin e rezultatit e solli Poulsen 12 minuta më pas. Sulmuesi danez u harrua në zonë nga vendasit dhe realizoi me kokë pas krosit të Sabitzer. Goli që mbylli praktikisht ndeshjen erdhi në minutën e 36-të me autor Marcel Sabitzer. Pjesa e dytë ishte e rezervuar e gjitha për Timo Werner. 24-vjeçari shënoi arriti tripletën e tij personale duke shënuar në minutat 48’ dhe 75’.
Me këtë fitore, Leipzig ngjitet në vendin e tretë duke zbritur një pozicion më poshtë Bayern Leverkusen dhe Borussia Monchgladbach.
Nga ana tjetër me tripletën e realizuar sot, Werner arrin në kuotën e 24 golave në Bundesliga dhe vihet në ndjekje të kryegolashënuesit Robert Lewandowski me 27 gola.
