Është zbardhur e shkuara e 25 vjeçari Kristjan Breshanaj në Vlorë, i cili u ekzekutua në një atentat mafioz te dera e shtëpisë.
Sipas burimeve nga policia, Breshanaj më herët ishte ndaluar për vepra kriminale të lidhur me drogën.
Kristjan Breshanaj është arrestuar në vitin 2014 së bashku me shokun e tij Nasho Alushi ndërsa drejtonin një mjet tip Wolksvagen me targa AA 225 AN, brenda së cilët u gjet një sasi e konsiderueshme lënde narkotike kanabis sativa.
Të dy të rinjtë në atë kohë 20 dhe 22 vjeçarë u arrestuan në kushtet e flagrancë për veprat penale “Prodhimi dhe shitja e narkotikëve” dhe “Drejtim mjeti në mënyrë të parregullt”, pasi Breshanaj nuk dispononte as leje drejtimi.
Megjithatë kjo nuk është pista kryesore e hetimit. 26-vjeçari është kthyer pak muaj më parë nga Belgjika, dhe veprimtaria e tij në këtë shtet është pista kryesore ku po heton policia.
