Kryeministri i Spanjës, Pedro Sanchez, ka deklaruar se La Liga mund të rifillojë sezonin e saj futbollistik duke nisur nga data 8 qershor.
Kryeministri Sanchez, konfirmoi në një fjalim drejtuar kombit, se shumë aktivitete të përditshme do të lejohen të fillojnë përsëri dhe futbolli do të jetë prej tyre.
“Me miratimin e Këshillit të Lartë të Sporteve, është dhënë drita jeshile që liga profesioniste e futbollit të nisë përsëri, nga 8 qershori. Muzetë, kinematë, koncertet dhe teatrot gradualisht do rikthehen siç ishin” – thuhet në deklaratën e Sanchez.
Sipas mediave spanjolle, La Liga do të rifillojë sezonin aty ku e la më datë 12 qershor dhe ndeshja e parë do të jetë mes Sevillas dhe Betis-it.
https://twitter.com/ESPNFC/status/1264173996268011521
