Zi në basketbollin amerikan, ndërron jetë ikona e Utah Jazz

Jerry Sloan, trajneri legjendar i ekipit amerikan të basketbollit Utah Jazz, ka ndërruar jetë në moshën 78-vjeçare, pasi vuante nga një sëmundje e rëndë.

Sloan e udhëhoqi Utah Jazz për plot 23 vite, ndërsa u tërhoq nga profesioni i tij në vitin 2011. Sloan është një nga trajnerët më të mirë të të gjitha kohërave. Ai dërgoi në Finalet e NBA ekipin e udhëhequr nga John Stockton dhe Karl Malone në vitet 1997 dhe 1998, ku në të dyja rastet u mundën nga Chicago Bulls i Michael Jordan.

LEXO EDHE  Schalke 04-Werder Bremen, publikohen formacionet zyrtare

Jerry Sloan është trajneri i katërt me më shumë fitore në NBA (1221). Ai është kualifikuar 20 herë për në “playoff” (19 herë me Utah Jazz dhe 1 herë me Chicago Bulls). Edhe pse nuk ka fituar kurrë unazë kampioni, është një nga trajnerët më të vlerësuar dhe më të respektuar në historinë e NBA.