22 maj është një përvjetor i veçantë për Jose Mourinhon, Interin por edhe për Real Madrid.
Ishte në atë natë të vitit 2010, kur Mourinho fitoj Ligën e Kampioneve me Interin kundër Bayern Munich, ndërkohë po atë natë ai ra dakord për transferimin e tij në Madrid gjatë një telefonate me Florentino Perez.
Finalja e Ligës së Kampioneve atë vit u luajt në “Santiago Bernabeu”, ndërsa pas ndeshjes, tekniku portugez u largua nga stadiumi i ndarë nga skuadra e tij, nën shoqërinë e personave afër Perez-it.
Sipas mediave spanjolle gjatë asaj darke, Mourinho nisi të ndërtonte skuadrën e tij të ardhshme te Reali, duke kërkuar blerjet e Angel Di Maria, Sami khedira, Mesut Ozil dhe Ricardo Carvalho, ndërsa sugjeroi edhe emra si Steven Gerrard, Maicon dhe Aleksandër Kolarov.
Zikaltërit u kthyen në Milano për të festuar pa Mourinhon , pasi ai zgjodhi të fillojë përgatitjet për sezonin pasardhës. Në atë darkë të 22 majit 2010, e ardhmja e Real Madrid filloi të ndryshojë.
Pas plot gjashtë viteve dështimesh të hershme në Ligën e Kampioneve, Los Blancos filluan të konkurronin me Barcelonën asokohe një ekip i paarritshëm nga kushdo. Katalanasit përgjithësisht e dominuan Realin duke i mundur shpeshherë, por portugezi arriti t’i mposhtë ata për titullin e La Ligës një trofe që atë kohë merrte vlera të shtuara. Mourinho në këtë mënyrë hodhi themelet për gjithçka që vinte pas tij.
