Nga Juxhin Kuhleku
Tek po bisedoja dje me një shkrimtare të spikatur shqiptare rreth këtyre dy librave , në një moment ajo më tha . – “Mos u merr me këto , dihet muhabeti, e njëjta histori, veza apo pula?
Ore pse s’merresh me krijimtari ti se kam vënë re që s’të mungon dhuntia?”. Dëgjo, – i thashë, – “ në kohën e komunizmit ishte një superbishë që përveçse mbante lidhur me zingjirë ëndrrat e shqiptarëve, mbante lidhur edhe një tufë minibishash, dhe sa herë që superbisha kishte nevojë për gjak lëshonte ndonjë nga këta minibishat.
Dhe minibisha i i liruar përkohësisht nga zingjirët bënte kërdinë në masakrimin e njerëzve dhe përdhunimin e ëndrrave të shqiptarëve.
E gjitha kjo bëhej në një fshehtësi mistike. Edhe nëse ndodhte që diçka të dilte në sipërfaqe, superbisha kishte një tufë sogjsh parazitngrënësish mbi trupin e tij, të cilët e bënin mirë punën e tyre.
Nga njëra anë këta zogj ushqeheshin me parazitizmat që ndodheshin mbi trupin e bishës,dhe nga ana tjetër i cicëronin popullit me tingujt që gjeneronin nga të ushqyerit me këta parazita. Sot këta minibisha janë të liruar nga zinxhirët,dhe populli i di të gjitha. Populli është tepër i lodhur nga këngët e historitë. Ndjenjat dhe sentimentalizmat humane janë në nivelin minimal, më duket sikur i bie popullit në qafë kur mendoj që dikush do të ndikohet prej librave apo poezive të mia në një kohë që minibishat sot janë liruar nga zinxhirët, kanë scepiet e tyre të zogjve, rrezen e tyre të veprimit, dhe në çdo moment janë gati të kafshojnë ëndrra shqiptarësh të ndershëm. – Shumë e vërtetë më tha.
Është diskutuar gjerë e gjatë nëpër media këto ditë për librin “Miene Kampf”(Lufta Ime) të Hitlerit. Debati se nëse duhet të lejohet apo jo, më tingëllon tepër qesharak duke pasur parasyshë që sot me vetëm disa klikime në internet mundet të bleshë e të sodisësh gjithçka të paimagjinueshme të kësaj bote apo gjithçka që mendja e një njeriu anormal mundet të imagjinojë.
Nga ana tjetër, në realitetin politik shqiptar ekzistojnë mjaft personazhe që vazhdojnë të bëjnë luftën e tyre me mendësinë e marksizëm-stalinizmit, dhe po të gjindet ndonjë shkrimtar i mirë e të bëjë ndonjë biografi , e them me bindje të plotë se “lufta” që disa nga politikanët tanë po bëjnë do të rezultonte mijëra herë më e fëlliqur moralisht se “Miene Keimf” i Hitlerit.
Përjashto Biblën, “Miene Kamf” dhe “Das Kapital” janë librat që edhe sot e kësaj dite ndikojnë politikat globale .
Si pasojë e ndikimit të konsiderueshëm të këtyre dy librave,globi ka aktualisht këtë konfigurim territorialo-politik, këtë rend socioekonomik, madje edhe politikat që aktualisht zhvillojnë të gjitha shtetet apo organizatat ndërkombëtare ndikohen në mënyrë të konsiderueshme prej këtyre librave.
Si rrjedhojë ,padyshim që tek këto libra ka plot të vërteta. Gjithësesi, përfundimi është i qartë që të dy librat përfundojnë me dilemën e famshme që ka shoqëruar historinë e njerëzimit që nga krijimi i tij , atë të vezës dhe të pulës.
Vlen të theksohet këtu edhe ndikimi i Napoleon Buonapartit. Veç risive që Napoloni i solli politikës moderne , konstatimi dhe përdorimi në realitet i tij për sa i përket komandimit politikisht të sjelljes njerëzore. Që njerëzit komandohet vetëm nëpërmjet dy elementëve, ose shkopit ose karrotës , përjashto Biblën , përbën trinomin e konfigurimit që globi aktualisht ka.
Gjatë gjithë historisë së njerëzimit shkaku kryesor që stimulonte shpikjen e vezhdueshme të teorive të ndryshme ishte dhe është rritja e popullsisë. Dihet botërisht që krizat ekonomike kanë prodhuar gjithnjë luftëra e teori të ndryshme politike apo ekonomike, dhe mesa duket ka ardhur koha që njerëzimi të përdoret sërisht si kavje për të ndërtuar ndonjë teori të re.
Pas lindjes së banorit të 9 miliardë, në diskutimet ndërmjet ndërkombëtarëve madje edhe politikanët tanë po përdorin shpesh e më shpesh termin gjeopolitikë. Term ky që nuk përdorej prej 4 dekadash pasi asociohej me nazizmin dhe konsiderohej si helmim intelektual.
Gjithësesi,është e sigurtë që ata që e përdorin as ia kanë haberin se ç’do të thotë ky term por janë nga ata njerëzit me vetëm disa kualifikime që kryejnë ato funksione të cilat Aristoteli i konsideronte stacionet e fundit të tyre në jetë .
Hitleri u ndikua nga teoria e Razellit se “shteti ështe një forcë gjeopolitike e rrënjosur dhe e formësuar prej mjedisit natyror . Për të arrirtur prosperitet i vetëm në këto rrethana mbijetese , shtetet duhet të zaptojnë vazhdimisht territore dhe resurse”. Ky është thelbi i teorisë që Hitleri e përdorte si justifikim për të masakruar e për të shpikur lloj-lloj teorishë që frymëzonin urrejtjen rracore e propagandonin supeioritetin e rracës ariane . Ndërsa “Miene Kampf” ishte një libër propaganistik në shërbim të këtij qëllimi.
Ta zëmë se Boshti Qëndror do të fitonte luftën dhe Gjermania do të sundonte dhe i gjithë globi do të popullohej nga rracë e pastër ariane.
