5 janë rastet reja me COVID në 24 orët e fundit nga 204 testime, duke e çuar në 969 numrin e të prekurve që nga nisja e pandemisë.
Nga këta, sipas Ministrisë së Shëndetësisë, 31 persona kanë humbur jetën, ndërsa rreth 80% e të prekurve janë të shëruar. Aktualisht janë 167 persona aktivë me COVID 19.
Në spitale, janë 14 pacientë, mes tyre 3 në terapi intensive.
Bilanci i përditësuar
Bilancin e përditësuar e njoftoi Mirela Cami, Drejtore e Operatorit të Shërbimeve të Kujdesit Shëndetësor.
“Gjatë 24 orëve të fundit janë testuar 204 qytetarë si të dyshuar të prekur me Covid19 dhe janë konfirmuar pozitivë 5 raste. Shpërndarja gjeografike e rasteve është si vijon: 3 raste në Durrës, 1 në Tiranë dhe 1 në Krujë, kontakte të rasteve të mëparshme pozitive. Të shëruar janë 13 qytetarë. Gjendja në spitalin infektiv paraqitet e qëndrueshme prej ditësh me 14 pacientë të shtruar dhe vetëm 3 prej tyre janë në terapi intensive. Deri më sot janë konfirmuar pozitivë me COVID-19 në të gjithë vendin 969 qytetarë. Prej tyre, rreth 80% janë të shëruar. Aktualisht janë 167 persona aktivë me COVID19, kryesisht në Tiranë, Durrës dhe Krujë. Nga fillimi i epidemisë janë kryer mbi 13,500 testime molekulare dhe serologjike. Deri tani janë mbi 1 mijë testime serologjike në personel shëndetësor, me një pozitivitet të përgjithshëm rreth 8%”, tha ajo.
Apeli
“Ministria e Shëndetësisë dhe Mbrojtjes Sociale fton qytetarët të tregohen të kujdesshëm, duke respektuar rregullat, te ruani distancimin fizik dhe higjienën personale. Nëse keni shenja të Covid19 telefononi në numrin unik të Urgjencës Kombëtare, 127”, apeloi.
Rastet aktive
Aktualisht janë 167 persona aktivë me COVID 19, kryesisht në Tiranë, Durrës dhe Krujë:
- Tiranë 55
- Durrës 47
- Krujë 31
- Shkodër 10
- Berat 10
- Kamëz 9
- Fier 2
- Elbasan 1
- Mirditë 1
- Korçë 1
