Ambasadorja amerikane në Tiranë, Yuri Kim, ka reaguar pas betimit të 3 prokurorëve të rinj të SPAK pranë Presidentit të Republikës.
Nëpërmjet një postimi në rrjetet sociale, Ambasadorja thotë se mezi pret betimin edhe të tre prokurorëve të tjerë, për ta bërë SPAK-un të plotë.
“Urime 3 prokurorëve për betimin e tyre sot para Presidentit Ilir Meta për promovim në Prokurorinë Speciale.
Mezi presim edhe 3 të tjerë për ta bërë SPAK të plotë. Progresi në reformën në drejtësi duhet të përshpejtohet hap pas hapi”, shkruan ambasadorja, sipas të cilës tani e ka radhën krijimi i Byrosë Kombëtare të Hetimit.
