Legjenda e Argjentinës, Mario Kempes, ka vënë në pikëpyetje aftësinë e Lautaro Martinez për të zëvendësuar Luis Suarezin te Barcelona.
Duke folur për RAC1, ish-sulmuesi nuk ka mohuar vlerat e patriotit të tij por nuk e sheh si një lojtar që të marrë rolin që Suarez ka pasur dhe ka te katalanasit.
“Nuk e di nëse Lautaro do të ishte një matador i mirë, por të gjithë po thonë se ai është pasuesi i Luis Suarez, por mos mendoni se uruguajani ka vdekur, ai është i fuqishëm dhe nuk dorëzohet kurrë”.
“Lautaro mund të jetë një blerje e rëndësishme, nuk mund ta mohoj këtë. Ai është i ri, me një fuqi mbresëlënëse, një lojë të mirë dhe nuhatje për golin. E vetmja gjë që mund të them është se do të jetë një alternativë ose zëvendësues, por nuk mund të mbulojë boshllëkun e Suarez-it, që mund të luajë në nivele të larta edhe për dy vite”. – ka thënë Kempes.
