Klubi, Sporting Olhanense, e cila militon në kategorinë e tretë të futbolli portugez, u pengua nga Federata Portugeze e Futbollit duke mos pasur mundësinë që të diskutonte ngjitjen në Ligën e dytë.
Olhanense, para ndërprerjes së kampionatit ishte ne vend të parë në grupin D, me pikë të barabarta (57) me Real. Vetëm dy ekipe ngjiten në ligën e dytë dhe gjithçka përcaktohet pas ndeshjeve play-off. Dy të parat në çdo grup marrin pjesë në të.
Pasi kampionati u pezullua dhe më pas përfundoi para kohe Federata mendoi që të ngjiste një kategori më sipër dy ekipet që kishin grumbulluar më shumë pikë, Vizela (60 pikë) dhe Arouca (58 pikë).
Ky vendim ka sjellë zhgënjimin e ekipit portugez dhe tashmë për të kthyer situatën ata kanë kërkuar ndihmën e Cristiano Ronaldos me anë të një letre të hapur.
“Ronaldo na ndihmo! Kemi vendosur t’ju shkruajmë këtë letër, sepse ju jeni Miti i futbollit portugez dhe simboli i futbollistëve në botë”, shprehen lojtarët e Olhanense në një pjesë të letrës së tyre të gjatë në drejtim të CR7.
