Fabio Capello, në një intervistë të dhënë për Sky Sports, ka treguar se Ronaldo është lojtari më i talentuar që ka drejtuar ndonjëherë por nga ana tjetër edhe më problematiku.
“Talenti më i madh që kam trajnuar është Ronaldo, i pakrahasueshëm. Dhe në të njëjtën kohë ai ishte ai që krijoi problemet më të mëdha për mua në dhomën e veshjes. Ai organizonte festa, dhe bënte çdo gjë. Një herë Van Nistelrooy më tha: mister, këtu në dhomën e zhveshjes bie erë alkool.”
“Pastaj Ronaldo shkoi në Milano, ne nisëm të fitonim, por nëse flasim për talent, ai ishte më i madhi, pa dyshim.” – është raportuar të ketë thënë Capello.
Ndërkohë duke dëgjuar këtë deklaratë, Van Nistelrooy ka reaguar përmes një postimi në Twitter, duke mohuar t’i ketë thënë teknikut italian se në dhomat e zhveshjes vinte era alkool.
“I mohoj me vendosmëri deklarata të tilla. Në dhomat e zhveshjes te Real Madrid nga dita e parë kishte vetëm profesionalizëm”, shkruan mes të tjerash Van Nistelrooy.
A tenor de unas declaraciones que se le atribuyen a Fabio Capello, señalando que yo, en su día, le comenté que el vestuario del @realmadrid "olía a alcohol" quiero desmentir rotundamente tales afirmaciones. Ese vestuario desde el primer día demostró una profesionalidad máxima. pic.twitter.com/Z2xmRFwZpN
— Ruud van Nistelrooij (@RvN1776) May 20, 2020
