I rikthyer para pak ditësh në Shqipëri, Besar Musolli nuk është vënë në dispozicion të Orges Shehit për të filluar stërvitjen sot, pasi duhet të plotësojë 14 ditë qëndrimi në karantinë.
Kapiteni dhe mesfushori i verilindorëve ishte në një lidhje direkt me emisionin “FanZone” më Supersport, ku iu përgjigj disa pyetje të drejtuar nga fansat dhe drejtuesit e emisionit.
Mendoni se ndërprerja do të ndikojë në gjendjen fizike të lojtarëve?
E kam, menduar shumë këtë pjesë. Jemi munduar të stërvitemi online dhe ka qenë shumë e vështirë pjesa e motivimit. Për formën fizike do jetë shumë e vështirë, shpresoj të na hapin më shumë kohë, pasi do jetë e vështirë. Megjithatë shumë e rëndësishme është që të riktheheshim.
Besoni akoma te titulli kampion?
Unë mendoj se cilësitë dhe mundësitë janë. Mendoj se me gabimet e kundërshtarit dhe formën tonë të mirë gjithçka është e mundshme.
A do të donit të luanit me Partizanin një ditë?
Në të kaluarën kam pasur oferta nga Partizani dhe më pëlqen si klub, por nuk mendoj se mund të kaloj të aty tani.
Do të riktheheni në Kosovë, apo do ta mbyllni karrierën te Kukësi?
Me Kukësin ka qenë shumë e lehtë të arrihet marrëveshja. Me situatën e krijuar nuk e kam menduar të ardhmen. Nuk e di se çfarë do të ndodhë, më mungon familja dhe mund të kthehem në Kosovë.
