Sapo doli nga komisariati i Policisë, regjisori dhe aktivisti i Aleancës për Mbrojtjen e Teatrit, Robert Budina u shpreh se shembja e godinës së Teatrit Kombëtar ishte një tentativë vrasje.
Sot, i ftuar në “Çim Peka LIVE”, në Syri TV, Budina sqaroi këtë deklaratë.
Sipas tij, në momentin kur fadroma nisi goditjet mbi godinë, brenda saj ka patur njerëz
“Pardje në darkë, rreth orës 04:15 minuta, ne ishim disa artistë e aktivistë që po ruanim Teatrijn Kombëtar pasi kishim informacione që do të vinin. Dëgjuam klithma njerëzish që po thonin erdhën, erdhën. Nga frika hymë në godinën e TK dhe u mbyllëm në katin e tretët ë godinës. Tentuam të lajmëronim njerëzit tanë dhe për 10 minuta dëgjuam goditje të forta të fadromës. Kur zbritëm poshtë gjetëm policët me punonjësit e IKMT që po shqyenin derën. Pasi dolëm jashtë erdhën forca të veshura me të zeza sdhe automatik. Më drejtuan edhe automatik. Ne duam një hetim se kur nisi shembja e Teatrit. Kemi dyshime se nisi kur në godinë kishte njerëz. Neritan Liçaj kanë qenë në tarracë dhe nisën të bërtisnin”, tha Budina.
