Për herë të parë nga 2 marsi tashmë i largët, bilanci i viktimave ndaj COVID-19 në Itali shkon poshtë limitit treshifror.
Të dhënat e sotme flasin për 99 viktima, ndërkohë që 451 janë rastet e reja me koronavirus. Vlen të theksohet se rajoni më problematik mbetet ende Lombardia, me rreth 40% të gjithë rasteve të reja.
Nga sot vendi fqinj ka regjistruar një fazë të re me hapjen e kafeneve dhe restoranteve që respektojnë distancën sociale, edhe pse mungesa e turistëve po penalizon më së shumti qytete si Roma, Venezia dhe Firenze, që mbahen me këtë ekonomi.
